Владата повторно презема мерки за ублажување на ценовните притисоци врз граѓаните и домашната економија. ДДВ-то за дизелот се намалува од 18 на 10 отсто, објави министерката за финансии Гордана Димитриеска-Кочоска.

Таа вели дека мерката е донесена како одговор на ризиците и движењата на меѓународните пазари, со цел директно да се влијае врз малопродажната цена на горивото и да се ограничи пренесувањето на надворешните ценовни притисоци врз останатите производи и услуги.

„Нашата цел е јасна – да го амортизираме влијанието на надворешните фактори врз домашната економија и да го заштитиме стандардот на граѓаните“, порача Димитриеска-Кочоска.

Според владините најави, намалената даночна стапка ќе се применува од 15 септември до 28 септември.