Новата одлука за цените на горивата се очекува утре од Регулаторна комисија за енергетика, која еднаш неделно ги утврдува максималните малопродажни цени на бензините и дизелот.

Во моментов важат цените што стапија на сила на почетокот на неделата, кога бензините поскапеа за пет денари по литар, додека дизелот беше зголемен за 14,5 денари.

Во меѓувреме, ОКТА како главен добавувач на нафтени деривати на пазарот најави комерцијална отстапка од 2,5 денари по литар, што може да влијае на пониски цени на дел од бензинските станици.

Нестабилноста на цените на нафтата во последниот период се поврзува и со ескалацијата на конфликтот на Блискиот Исток, која влијае врз глобалните енергетски пазари.

Дали ќе има ново поскапување или евентуално намалување ќе зависи од движењето на цената на суровата нафта на светските берзи, како и од курсот на доларот, кои се клучни фактори во пресметката на новите цени.